Tula

IPHONE7

ni:Jereh Mie S. Cabrerra

I.

Nang naglalakad kasama ang barkada

Ang landas ay nagtagpo sinta,

Ang mata’y nagniningning ng makita ka

At nasabi sa sarili ikaw na nga talaga.

II.

Sa bawat araw binabalik-balikan ka

Araw-araw gustong titigan ka,

At sasabihin sa sarili sana hindi makuha ng iba

At sa bandang huli maging akin ka.

III.

Kinabukasan ako’y napatulala,

Pusong kumikirot sa pagkabigla,

Iphone7 ba’t ka nawala,

Masakit pala ano? Ngayon alam ko na.

IV.

Pinunasan ang luha at ngumiti na parang sira

At inisip na hindi talaga tayo para sa isa’t isa

Umasa lang talaga ako balang araw maging akin ka,

Ngayon pag-aari kana ng iba, sana pag-iingatan ka niya.