Pagsusuri ng Komiks

I.                    

A. Young Love (First Love) ni Christianne Conception

B.     http://usapang-komiks.blogspot.com/2005_11_01_archive.html

II.                Buod:

         Nagsimula ang istorya ng komiks nang si Rolera ay iniwan ni Johnson. Ginawa na niya ang lahat ng kanyang makakaya ngunit sa kabila ng lahat ay naghiwalay pa rin sila. Una, hindi niya tanggap ang mga pangyayari at parang masisiraan na siya ng bait. Ninanais na lamang ni Rolera na magpakamatay. Ngunit pinayuhan siya ng kanyang Papa na siya’y bata pa. At hindi solusyon ang pagpapakamatay dahil lamang sa kabiguan sa pag-ibig.

        Sa kasawian ni Rolera, ay pinagsabihan siya ng kanyang Papa na idaan na lamang sa kompyuter ang pamimili ng boyfriend at doon nagkaroon ng pag-asa o ideya si Roleta para makalimutan si Johnson at makapili ng bagong mamahalin. Kinuha ni Rolera ang listahan ng mga manliligaw sa kanya, upang malaman ang kasagutan sa pamamagitan ng pagpasok sa kompyuter ng kanilang pangalan. Nang matapos niyang ipasok sa kompyuter ang mga pangalan ay nagulat si Rolera dahil si Demetrius Mabini ang pangalang lumabas sa kompyuter.

        Isang araw nang dumalaw si Demetrius kay Rolera ay labis ang kanyang pagtataka dahil sa magiliw na pakikitungo ni Rolera. Nalaman naman ng Papa ni Rolera na sinagot na si Demetrius. Una, nagdadalawang-isip ang kanyang Papa sapagkat wala pang natapos ni Demetrius. Ngunit pinaliwanag ni Rolera na si Demetrius ang lumabas sa kompyuter.

        Makalipas ang dalawang lingo, namuhunan sa negosyo si Demetrius at tinulungan naman ito ni Rolera. Hanggang lumago ang kanilang negosyo at lumupas ang ilang buwan ay sinabi ni Rolera sa kanyang Papa na magpapakasal na sila ni Demetrius. Sinabi ni Rolera ang balitang ito sa kanyang Papa, pati ang balitang inaasikaso ni Demetrius ang kanilang negosyo at si Rolera dahil siya’y buntis.

III.             Pagsusuri

A.    Uring Pampanitikan

Ang akda ay isang komiks sapagkat ginagamitan ang pagkukuwento ng mga larawan upang ang kwento ay maayos na mailahad o mapalitaw.

B.     Istilo ng Paglalahad

            Ang paraan ng paglalahad ng mga kaisipan o pangyayari sa komiks ay pagsasalaysay. Isinalaysay ang mga pangyayari sa kwento ng buhay ni Roleta. Mula sa pagkabigo sa pag-ibig, paglagay ng listahan ng mga manliligaw sa kompyuter, pagdalaw ni Demetrius sa kanilang bahay, pagsagot niya rito at pamumuhunan ni Demetrius sa negosyo hanggang lumago ito at nagbalak na magpakasal, ay isinalaysay maliban na lamang ang kanilang sagutan. Wala ring patumbalik ng mga pangyayari.

C.     Mga Tayutay

1.      Walang tayutay na matagpuan sa akdang sinuri, sapagkat simple lamang ang mga talasalitaan na ginamit ng may akda. Karaniwang salita ang ginamit at madali lamang intindihin. Walang simbolismo o nakatagong kahulugan sa akda, walang idyoma o matalinghagang salita sa akda.

D.    Sariling Reaksyon

1.      Pananalig Pampanitikan / Teorya

a.       Realismo- Inilarawan ditto ang buhay sa katunayan at walang idealism. Sapagkat isa ang katauhan ni Rolera na nagpapakita ng tunay na dinanas ng isang babae. Buhay ng isang babaeng nang iniwan o hiniwalayan ng taong minamahal. Inilalalarawan ang ilan sa katotohanan ng buhay gaya ng kasawian ni Rolera sa pag-ibig at pagpigil sa isang ama upang hindi magpakamatay ang anak. Bukod pa rito, inilahad ang pagsisikap ni Demetrius upang matugunan ang pangangailangan ng pamilyang bubuuin sa hinaharap.

b.      Romantisismo- Teorya o pananalig na ang pinahahalagahan o pinanaig ay ang damdamin kaysa sa isipan. Kahit na nabigo sa pagmamahal si Rolera ay muli niyang binuksan ang kanyang puso para sa iba sa katauhan ni Demetrius bilang isang masugid na manliligaw hanggang siya’y sinagot ni Rolera.

c.       Naturalismo- Pananalig pampanitikan na binibigyang-diin ang kapaligirang sosyal. Ipinapakita sa akda ang pasakit na dinanas ni Rolera dahil sa kasawian sa pag-ibig at natural lamang sa isang ama na magbigay ng payo sa anak upang makalimutan ang sakit na naramdaman nang makamove-on ang anak. Samantala, ang pagsisikap ni Demetrius sa pamumuhunan sa negosyo ay natural lamang upang mayroong hanapbuhay para matustusan ang pangangailangan ng inaasam na pamilya.

2.      Mga Pansin at Puna

a.       Mga Tauhan- Ang pangunahing tauhan ay si Rolera, isang babaeng umibig, ginawa ang lahat upang mahalin ni Johnson ngunit nasaktan lamang siya dahil sa kanilang hiwalayan. Muli siyang umibig sa katauhan ng masugid na manliligaw na si Demetrius. Tutol ang Papa ni Rolera kay Demetrius sa simula sapagkat wala itong trabaho. Ngunit sa huli ay nagsikap si Demetrius, namuhunan sa negosyo at natanggap ito ng Papa ni Rolera.

b.      Galaw ng Pangyayari- Ang galaw ng pangyayari ay mabilis. Lalong-lalo na sa bahaging namumuhunan si Demetrius sa negosyo hanggang sila’y magpakasal ni Rolera hanggang sa pagdadalantao ni Rolera.

3.      Bisang Pampanitikan

a.       Bisa sa Isip- Naikintal sa aking isipan na mabigo ka man sa pag-ibig ay kailangan mong bumangon muli. Magmove-on, ang sakit ay panandalian lamang at itatak sa isipan na hindi kailangang magpakamatay dahil lamang sa kabiguan sa pag-ibig. Kung may taong lalayo, may tao ring dadating sa ating buhay na inilaan para sa atin ng Poong Maykapal. Yaong taong iintindi sa atin, aalaga, magmamahal at hindi sasaktan.

b.      Bisa sa Damdamin- Ako’y naawa at naiiyak sa pinagdaanan ni Rolera. Yaong sa panahong siya’y lugmok dahil sa pagkabigo’t nasaktan sa pag-ibig. Sa panahong balak na niyang magpakamatay at para na siyang nasisiraan ng loob dahilan sa paghihiwalay nila ni Johnson.

c.       Bisa sa Kaasalan- mabuti ang pinakitang asal ng Papa ni Roleta sapagkat binigyan niya ng payo ang anak upang makalimutan ang sakit na nararamdaman. Bilang isang ama ay hangad nila na magkaroon ng kasiyahan ang kanilang anak. Magkaroon ng magandang kinabukasan ang anak. Higit na masaya ang ama kapag nakitang masaya rin ang kanilang anak.

d.      Bisa sa Lipunan- Kung mababasa ito ng mga taong may balak bumukod ng sariling pamilya ay mapagtanto nilang aayusin muna ang hanaphuhay upang magkaroon ng magandang kinabukasan ang pamilya. Dapat mayroong pinagkakikitaan. Nararapat sa isang lalaki siya ang magiging sandigan sa pangangailangan ng pamilya. Higit sa lahat, sa mga kabataan, huwag agad magpadadala sa maagang pagkakaroon ng pamilya. Iisipin ang hinaharap at pipili ng tamang taong makasama habang buhay.