Mga tula

Kaibigan

(8pantig)

ni:Jereh Mie S. Cabrerra

I

Tingin dito, tinging doon,

Lakad dito, lakad doon,

Punta dito, punta doon,

Di alam sa'n paroroon.

II

Talagang ito'y masaya

Kapag sila ang kasama

Problema mo'y mawawala

Mapapalitan ng sigla.

III

Sa tinging pa lang alam na

Iniisip ng kasama,

Matatawa parang sira

Kung sila ang kasama.

IV

Kapag may nararamdaman

Kaibigan ay nariyan,

Sa nagawang kamalian

Ikaw ay pagsasabihan.

V

At sa aking pag-iisa

Kailangan ng kasama

Ika'y nais sa tuwina

Iba sa lahat talaga.

VI

Aking hiling kaibigan

Kapag panaho'y nagdaan,

Sana'y huwag magkalimutan

Taon-taon man magdaan.

VII

Nangakong walang iwanan

Mananatili sa isipan,

Kaibigan, kaibigan

Walang kapantay ninuman.

Mall

(Malayang Taludturan)

ni:Jereh Mie S. Cabrerra

I

Sino ang nagtataka sa panahon ngayon

Malalaking gusali nakapalibot sa nayon

Kaya di pagtakhan pangyayari kung ganoon

Kay daming pagbabago na kakaiba noon.

II

Malalaking gusali ng tindahan

Mall ang tawag ng karamihan

Dito'y nakikita ang lahat ng nais bilhin

Parang pagkain agad sa iyo'y nakahain.

III

Kung sa kalawa'y gamit pambata,

Sa kanan nama'y gamit pangmatanda

Kay rami mong pagpipilian

Tiyak ika'y di mauubusan.

IV

Kung kayo'y nagmamadali at ayaw magpahuli

Dapat sa mall na kayo nais mamili

Hindi malilito o magsasawa sa pamimili

Sa mga bitbit ninyo'y daming tindera hahalili.

Nakaraan

(18pantig)

ni:Jereh Mie S. Cabrerra

I

Bakit hanggang ngayon sinta ang hinihiling ay ikaw parin,

Paglipas ng ilang taon, ba't hanggang ngayon ikaw parin,

Sa malayo ang iyong mga mata'y lihim na pinagmamasdan

At sa mga kamay mong gusto at sabik na muling mahawakan.

II

Gustuhin ko mang limutin ka dahil ito ang nararapat

Pero ikaw ang mahal kahit sa sarili'y di ipagtapat

Ako'y lihim na kinikilig marinig lang ang 'yong pangalan

Puso ngayo'y talagang nahulog na sariling katangahan.

III

Ngayo'y hinihiling na ikaw sana'y hindi muling pag-aksayahan

Oras at panahon na sayo lahat sinayang at nilaan

Sa kakaisip sa katulad mong walang kwentang nakaraan

Batid man sa tuwing nakikita patuloy nasasaktan.

IV

Lungkot at paghihinayang na dama kapag naaalala

Mga panahong masaya pa tayong dalawa, ngayong wala na

Sa araw-araw hindi lubos maisip na iiwan mo'ko

Ang tulad kong ang tanging ginawa ay magmahal ng totoo.

V

Mali bang gustuhin ang katulad mong matagal ng gusto?

O talagang mali lang ang taong ginusto at minahal ko,

Pakiusap ko, pwede bang saksakin mo nalang ang pusong 'to,

Para makalimutan kung sinong tanging tinitibok nito.

Tunay na Kaibigan

(12pantig)

ni:Jereh Mie S. Cabrerra

I

Simpleng kaibigan kung mamarapatin,

Tunay na pamilya kung ituring

Yung taong ika' y pasasayahin

Kaibigan sila kung tawagin.

II

Di man perpekto buong aspeto

Nagpayabong sa relasyon ninyo

'Pag sa isa' t-isa' y may respeto

Tunay sila na kaibigan mo.

III

Sa bawat paglisan sa tahanan

Maraming pintuang nakaabang

Sa panahon ng iyong kasawian

Bawat isa'y handa kang damayan.

IV

Mga kalokohang di mabilang

Tulad ng mga utang sa tindahan,

Pangyayaring hindi malimutan

Mananatili sa 'ting isipan.

V

Milya man sa atin ang pagitan

Di ito sagabal kanino man,

Facebook, twitter lang ang kailangan

Dito tayo'y nagkukumustahan.

VI

Kayo'y kong nais pasalamatan

Sa mga alaalang di mabilang,

Kayo ay tunay na kaibigan

Walang makakapantay ninuman.

Kabataan

(16pantig)

ni:Jereh Mie S. Cabrerra

I

Sa ating panahon ngayon marami na ang nagbago

Sa mga kabataan kung magmahal ay todo-todo

Hindi nila iniisip ang mangyayari sa huli

Pagsisisi sa isa't-isa na ang namamayani.

II

Kaya lahat ng kabataan ito ang tatandaan

Paalala ng iyong magulang ay pahalagahan

Pag-aaral na sana ay iyong mabigyang halaga

Ang makatapos, ay isang yamang makukuha.

III

Ikaw ay huwag ng mabahala sayong alalahanin

Sakripisyo ng iyong magulang ang dapat isipin,

Mag- aral ng mabuti para sayong kinabukasan

Para kabataan iyong tagumpay ay makamtan.

IV

Ang katulad mo kabataan ay napakaswerte

Mga magulang mo ay makasuporta palagi,

Para ikaw ay hindi magsisisi kinahulihan

Dapat sundin ang kanilang payo't kagustuhan.

Laban ng Pag-ibig

(14pantig)

ni:Jereh Mie S. Cabrerra

                                                                       I                   

Baon ko ang lahat ng kasawian sa buhay

Wari ko na nga'y di makakamit ang tagumpay

Sa tuwing maiisip ang hirap ng kalooban

Tila pananalig sa Diyos ako'y nawalan

II

Ngunit di inaasahang isang estranghero

Nakita ko'y palakad-lakad, paupo-upon

Bawat sulyap ko parang galit kung makatitig

Ito'y di namamansin, tahimik lang ang bibig.

III

Habang patuloy na nakikibaka sa lungkot

Heto na naman may nakitang nakasimangot

Akala ko'y patuloy siyang di kikibo

Isang rin siya sa maraming galit sa mundo.

IV

Bawat araw ay nagdaan parang balewala

Paulit-ulit nalang ang mga parehong paksa

May dalawang nilalang na walang pakialam

Pag-ibig at kaligayahan ang inaasam.

V

Hanggang sa di inaasahang pagkakataon

Nasa hirap at lungkot ang making binabaon

Dininig ng Diyos making bawat pagdarasal

Na sana'y bigyan ako ng taong mapagmahal.

VI

Ang puwang mong mga mata na tanong ang laman

Ang mapanuring mata na noo'y napagmasdan

Inuusisa pagkatao't pinanggalingan

Ang mga kaygalak mong mga ngiti ang nasilayan.

VII

Sa isang iglap nga ay tayo'y nagkwekwentuhan

Kayliga-ligaya man nating nagtatawanan

Naglalaro ang aking puso sa kaligayahan

Busog nasa pagmamahal at kapayapaan.

VIII

Hanggang tibok ng puso'y tuloy naging isa

Minahal no ako at minamahal din kits

Tayo ay nangako at sumumpa sa isa't-isa

Walang iwanan at magiging tayo talaga.

IX

Anumang pagsubok ang maranasan natin

Kumapit lang ako ang siya mo ngang naging habilin

Sapagkat kaya nating baguhin ang panahon

Aangkinin man natin ang bawat pagkakataon.

X

Heto tayo ngayon patuloy na lumalaban

Sa napakahigpit at masakit na labanan

Labanan ng mga prinsipyo at kinabukasan

Sa lahat ng tao'y gusto nating patunayan.

XI

Mahal ko wag sanang bumitiw, wag ring susuko

Sapagkat tanging sa iyo lamang itong puso

Hanggang sa lahat ng ating mga pinapangarap

At matutupad lahat at tagumpay ay malalasap.

Hamon ng Kabataan

(12pantig)

ni:Jereh Mie S. Cabrerra

Sino nga kaya ang pag-asa ng bayan?

Tayo nga ba kayang na mga kabataan?

Rizal, ako ay may isang katanungan?

Kabataan nga ba'y pag-asa ng bayan?

Tingnan mo ngayon ating kapaligiran,

Ano ang ginagawa mo, Kabataan?

Mga nakaharang at sagabal sa daan

Tungong kinabukasan ng ating bayan.

Ang payo ng magulang ay sinusuway

Nagyoyosi hanggang matuyo ang laway

Nagdodroga na ang parusa ay bitay

At sa mga lansangan ay panay ang tagay.

Mga kabataan marupok na sandalan

Kailan kaya kayo matatauhan?

Ang bandila ng bansa ay namantsahan

Ang ating Inang bayan ay luhaan.

Sana kabataan ako ay pakinggan

Kabataan tukso dapat ay iwasan

Sarili ay huwag sanang pabayaan

Upang hindi madala sa kasamaan.

Ngayon, ikaw ba ay nag-aalinlangan?

Isip mo ay medyo may kalabuan,

Kabataan nga ba’y pag-asa ng bayan?

Kabataan, na sayo ang kasagutan.