#PakiExplainGud!

Ni John Mark C. Sinoy

I.

Daghan na kaayo ta sa kalibutan,

Dili na mapugngan ang atong kadaghan,

Ug busa mangutana ko sa katawhan,

Pun-an, ug gusto pa ba ninyo dugangan?

II.

Naay daghang mga lalaki ug babaye,

Naay nagpalaki-laki bisan baye,

Ug mga lalaki nga nagpabaye-baye,

Akong pangutana, nganong na ing-ani?

III.

Daghan nasang batan-ong maglaag-laag,

Dugay muuli ug usahay magbuntag,

Basta gugma, daghang magpabulag-bulag,

Ug dili na ba gyud mapugngan ang ulag?

IV.

Wala na gyud ko kasabot sa mga tawo,

Naay mga tawong buotan ug maldito,

Bisan bata pa magbuhat na’g milagro,

Sila’y na “Bagito”, ug kini bay sakto?