Saleslady

Ni: John Mark C. Sinoy

I.                    

Pagpasok ko palang ako’y iyong binati,

Sabay ngiti, na makikita sa mapupulang labi,

Pati ang makapal na make-up sa iyong mukha,

At kinakausap mo ako na may mabulaklak na salita.

II.                 

Maya-maya ay hinila mo ako at ipinasuot ang relo,

Napanga-nga sa sinabi mong isang libo ang presyo,

Pagtingin ko ay napalunok dahil ang pinasuot mo ay sieko.

“Bagay, babalikan ko, magwithdraw muna ako”

Ang sabi ko, kahit hindi naman totoo,

Umalis para matakasan ang tulad mo.

III.              

Ikaw na naman ang aking nakita,

Nang pumili ako ng sapatos at kinakasya,

Lumapit ka sa akin , na may dala

Ang bagong dating na sapatos ang iyong pinakita.

IV.              

Dali-dali ko namang sinuot ang iyong pinakita,

Kasya, maganda at bagay pa,

“Pictyuran niyo sir, bagay yan pang-insta”

“Bagay nga, babalikan ko, magwithdraw muna ako”

Ang sabi ko, kahit hindi naman totoo,

Umalis para matakasan ang tulad mo.

V.                 

Ikaw, Siya, Kayo, tigilan niyo na ako,

Sa pagpili ng damit, shades at pantalon ko,

Pwede bang lubayan niyo muna ako,

Pabayaan akong pipili kung anong gusto ko,

Sa ngayon, hindi ko kailangan ang tulong niyo.

VI.              

Pero salamat sa ugaling pinakita niyo,

Kahit alam ko, kayo’y nagababalat kayo,

Napagod, kaya uuwi na ako,

Pasensya na, hindi ako bibili at ang tooo, namasyal lang ako,

Kaya lalabas na ako sa inyong mundo.