Sugilayming “#FilipinoPaMore”

Ni John Mark C. Sinoy

            Sa atoang “Chancellor” nga si Sultan Taha Guro Sarip, kauban sa atong duha ka Bise “Chancellor”, silang Propesor Carmelita H. Balbosa ug Propesor Elly O. Maghanoy, sa mga magtutudlo ug mga empleyado, sa mga estudyante diri sa eskwelahan sa MSU, sa akoang mga amigo, sa mga babaye ug lalaki, sa mga bayot ug tomboy, sa mga “textmates” ug “chatmates”, sa mga “likers” ug “followers”, Maayong buntag kaninyong tanan!

            Nia ako sa inyong atobangan musulti kung nganong ningkuha ko’g kurso nga medjur sa Filipino. Ako usa ka but-an nga estudyante nga ning-“graduate” sa eskwelahan sa MNHS. Usa sa estudyante nga wala nasayod sa iyang kaugma-on ug wala gadahom nga maka-skwela sa kolehiyo. Sa permero, kung maka-eskwela man gani ko, didto ra sa JHCSC sa Midsalip. Ikaduha, kay ga-ampo ko sa Ginoo, iyang gibag-o ang akong kaugmaon, ug nagpasalamat ko sa iyaha kay karon, ako, usa ka “working student”, naka-eskwela diri sa MSU.

            Sauna, kabalo nako kung unsa nga kurso ang akong kuhaon diri sa MSU-Buug, ug kini kay BSED-Math, kay sa dili panghambog, maayo ko ug nahigugma ko sa numero. Pero kay gamay man ko’g kuha sa SASE, naglisod ko’g pagdawat niini ug nagmahay tungod kay wala nako gitarong pag-“answer” niadtong higayona. Kay gusto man ko nga magtudlo, ningkuha ko’g kurso nga AB-Filipino, bisan wala sa akong plano ug damgo. Pero, nagpasalamat gihapon, kay nasayod ko nga naa pay mas nindot nga plano ang Ginoo.

            Kay ako karon medjur sa Filipino, nahigugma nako sa akong kurso ug nahimuot sa mga kaubang amigo nga banha-an kaayo. Naglibog ko sa mga tawo, kay ubos ra kaayo’g pagtan-aw sa mga medjur sa Filipino. Sige lang ug pangutana kung nganong kini ang gipili namo, nganong dili man kini, kana o kato nga kurso? Magbu-ot? Ila rang gi-hinay-hinay ang Filipino ug ang among kahibalo, wala sila kabalo nga ang mga sabjek lisod kayo, walay “formula” nga gi-“follow” kay among utok  ra ug “ballpen” ang gigamit sa pagbuhat ug mga balak, sugilanon, sugilambong, sugilayming ug uban pa, sa dili medjur sa Filipino, nasayod ba mo ato? Wala!, dugong ilong ug nga-nga. Palibhasa, nagpakama-ayo sa   mga wikang banyaga ug gikalimtan na ang atong pambansang wika.

            Kay nag-eskwela pa man ko, naningkamot ko’g maayo ug naka huna-huna nako kung unsa ang akong buhaton paghuman sa akong kurso. Ug karon, gamiton nako ang higayon sa pagpasalamat sa tanan, sa Ginoo, kang Mr. ug Mrs. Colita, sa akong pamilya ug sa akong mga barkada. Ganina rako nag-estorya unya wala mo tanan naka-ila sa akoa ug ako diay si John Mark C. Sinoy, kung interesado mo sa ako-a, “just Google my name” ug karon, magbilin ko sa mga pulong nga “Ang dili kabalo mahigugma sa kaugalingong wika  kay labaw pa ka sa baho ug langsi nga isda”.

            Daghang Salamat ug Maayong Buntag Pag-usab!