#Gugma Sulod sa Damgo

Ni John Mark C. Sinoy

I.

O gugma, asa ka karong panahona,

Kay ako nanginahangla’g balentina,

Sauna, gahapon ug karong orasa,

Bahalag maldita, kwartahan ug gwapa.

II.

Salamat sa Ginoo kay naabot ka,

Nagkita ta didto duol sa Avita,

Pagtan-aw nako sa imuhang mga mata,

Dali ra jud kaayo ko nahigugma.

III.

Nagkita nasad ta, Lunes sa gabii,

Wala ko kasabot sa akong gibati,

Murag gikusi sa kilig nga gibati,

Ug sige lang ug ngise sa’kong pag-uli.

IV.

Pero nagkumidja ra atong tadhana,

Naabot ra ta ug lima ka simana,

Nasakitan, ug ako nag-inusara,

Ug sa pagmata, salamat kay damgo ra.